الدكتور أحمد أبو النصر
·
مصر فيها 8مليون مريض سكر ، ممكن يكون والدك والدتك او جارك او صديق ليك علي الفيس بوك المهم البوست ده عيزين يعرفه كل مريض سكر في مصر.
كلمتين هياخدو من وقتك دقيقه قرآه بظبط
للاسف بقينا نشوف شباب 19 سنه وفقد قدمه وهو عائل اسره هيعمل ايه
وبنت عروسه قمر بقت مقعده علي كرسي متحرك بسبب اهمال في نفسها او ان محدش قالها الصح
الكلام ده لاي حد ملوش علاقه بالطب او طالب او دكتور سكر ولو واحد بس استفاد من الكلام ده فدا مكسب كبير لينا وليك عند ربنا لو افدت حد مش عارف
متحرمش حد من ثوابه بسم الله
1_ اي مريض سكر لازم يفهم اهمية متابعه السكر سواء بعمل جداول تحاليل بإستخدام جهاز قياس السكر العادي اللي لازم يبقي متوفر مع اي مريض سكر وخصوصاً لو علي انسولين ولازم جدول التحاليل يحتوي علي 7 تحاليل قبل الوجبات وبعدها بساعتين وقياس قبل النوم كل 3 اسابيع علي اقصي تقدير لمده 3 ايام متتاليه وفي اللي ماشيين علي اقراص بنعمل كل اسبوعين صايم وبعد الوجبة الرئيسيه اللي هي بعد الغداء بساعتين
2_ لازم اي مريض سكر يعمل تحليل تراكمي كل 3 شهور و الطبيعي بتاعه يكون (6.5 الي 7٪) وممكن نوصل ل 7.5 في الميه في الناس المعرضين لهبوط السكري وكبار السن ومرض القلب
3_ لازم يعمل تحليل دهون كل سنه علي الاقل خصوصا تحليل الكوليسترول والاهم الدهون المنخفضه الكثافه LDL والدهون الثلاثه TG
4_ كل التوصيات العالميه اجمعت ان اي مريض سكر فوق ال 40 سنه لازم يمشي علي دواء مخفض للدهون اللي هو اوميجا 3.
5_ اي مريض سكر لازم يتعلم يفحص بطن رجله قبل النوم بمرايه ويشوف اي جرح او خدش لان ده ممكن يكون بدايه افه القدم السكري
6_ لازم يخصص فوطه نظيفه لنتظيف بين اصابع القدم بعد الوضواء او غسيل القدم ولو في فطريات بينهم لازم يعالجها لانها بتهري الجلد وبتبقي مدخل للجراثيم وياريت منستهونش بموضوع الفطر اللي بين اصابع القدم دا لان في معظم الاحيان للاسف بيكون بدايه القدم السكري
7_ لازم مريض السكر يرطب رجله بفازلين او كريم مرطب عشان القدم الناشفه المشققه مدخل للجراثيم
8_ لما يقص ضوافره لازم يستخدم مقص اطفال ويقص بطول بلاش يعمل انحناءات منعا لاي خدش بسيط ممكن يبقي مدخل للبكتريا
9_ فقدان الاحساس مم اسواء الحاجات لمريض السكر فا عشان كده المريض لو مش حاسس برجله او الشبشب بيتخلع منه بدون ما يحس او حاسس انه ماشي علي قطن لازم يشوف دكتور مينفعش يستني الكارثه
10_ ممنوع منها باتا ان المريض يمشي حافي حتي لو داخل البيت لان ده ممكن يعرضه لاي شوكة او عظمه او اي حاجه هايفه تدخل رجله وتكون بدايه لافه القدم السكري ودكاتره الاوعيه الدمويه يحكوليكم عن حاجات لا تتخيلوها لقوها داخل اقدام المرضي في الاشاعات بتاعتهم
11_ ممنوع لبس الشربات اللي من الالياف الصناعيه لانها بتكتم الرجل وبتعمل عرق واحتكاكات ممكن تبقي مدخل للبكتريا
اه ولما تشتري جزمه لازم تكون اوسع من رجلك بنمره لان رجلك بتورم
12_ لازم المريض يقارن رجليه ببعض لو لقي شعر رجل بيقع او الجلد ناشف او درجه حراره واحده مختلفه عن الثانيه شوف دكتور اوعيه بسرعه ومتستناش
طبيب الاوعيه بيفحص النبض في الشرايين وبيطلب اشعه علي الاوعيه ويتاكد من سريان الدم بصوره طبيعيه ومنتظمه في القدم
13 _ لازم قبل المريض ما ياخد شاور وخصوصا لو بمياه سخنه حد يحس المياه او هو يحسها بكوعه ( الكوع مبيفقدش الاحساس ابدا) عشان نتجنب الحروق اللي بتحصل لكبار السن لفقد الاحساس بحراره المياه
14 _ في حاله وجود التهابات اعصاب طرفيه سواء شكشكة او تنميل او كهربا في الرجل محتاج فيتامين ب المركب بس الاهم منه دواء
Alpha lipoic acid
لانه بيعيد تكوين غشاء الاعصاب
15_ البنات الانسات بلاش الكعب العالي في مريضات السكر لانه بيركز ضغط الساق علي كعب القدم وبيحمل عليها ودي الدم الواصل ليها قليل اصلا فا بيعمل قرح بتبقي مدخل القدم السكري
Neuropathic ulcer
دمتم بصحه
الدكتور أحمد أبو النصر
